Zelensky: Lehtësimi i presionit i jep Rusisë hapësirë për luftë

Presidenti ukrainas Volodymyr Zelensky tha se Rusia e interpreton çdo lehtësim të presionit si mundësi për të vazhduar luftën dhe bombardimet ndaj qyteteve ukrainase, pas sulmit gjatë natës në Zaporizhzhia.

“Ngjarjet e natës së kaluar konfirmuan edhe një herë se në Rusi, çdo lehtësim i presionit kuptohet si një mundësi për të vazhduar luftimet dhe për të hedhur bomba mbi qytete”, shkroi ai në rrjetet sociale.

Zelensky njoftoi se 14 persona janë plagosur dhe se dy prej tyre ndodhen në gjendje kritike. Ai tha se Moska duhet t’i ndiejë humbjet e shkaktuara nga agresioni i saj që ta kuptojë nevojën për t’i dhënë fund luftës.

Presidenti ukrainas e lidhi këtë qëndrim me aftësitë e Ukrainës për goditje në distanca të largëta dhe paralajmëroi përgjigje ndaj sulmeve ruse.

“Ne do t’u përgjigjemi sulmeve ruse”, deklaroi Zelensky.

Sponsorët