Trump zgjedh Coale për pengjet, Boehler kalon në rol këshilltari

Presidenti amerikan Donald Trump njoftoi të dielën në Truth Social se John Coale do të jetë i dërguari i tij special presidencial për çështjet e pengjeve. Ai do të zëvendësojë Adam Boehler, i cili, sipas Trumpit, do të vazhdojë të ndihmojë si këshilltar i lartë për çështje të tjera.

Trump e lidhi përzgjedhjen me punën e Coale në negociatat për lirimin e të burgosurve. Sipas presidentit amerikan, Coale ka siguruar kthimin e mbi 65 amerikanëve dhe qytetarëve të vendeve aleate nga Bjellorusia gjatë vitit të kaluar dhe ka negociuar lirimin e më shumë se 800 të burgosurve politikë nga disa vende të Evropës Lindore.

Coale ka zhvilluar bisedime me Minskun për më shumë se një vit. Muajin e kaluar, presidenti bjellorus Aleksandër Lukashenko fali 15 të burgosur pas bisedimeve me të.

Sponsorët