Shiroka-Pula vë në pah rolin e Austrisë në sigurinë e Kosovës

Presidentja e Kosovës, Justina Shiroka-Pula, vlerësoi kontributin e Austrisë në ruajtjen e paqes dhe sigurisë përmes KFOR-it, gjatë ceremonisë së shënimit të Ditës Kombëtare të Austrisë.

Në fjalën e saj, ajo falënderoi Austrinë për mbështetjen ndaj Kosovës në periudhat e vështira, njohjen e hershme të pavarësisë dhe ndihmën për forcimin e institucioneve dhe të pozitës ndërkombëtare të vendit. Shiroka-Pula theksoi edhe mbështetjen austriake për aspiratat euroatlantike të Kosovës.

Presidentja e lidhi miqësinë ndërmjet dy vendeve me vlerat e lirisë, demokracisë, të drejtave të njeriut dhe paqes. Ajo përmendi potencialin për thellimin e bashkëpunimit në arsim, shkencë, kulturë, teknologji, ekonomi dhe inovacion.

Në përfundim, Shiroka-Pula uroi qytetarët austriakë për paqe, mirëqenie dhe prosperitet, ndërsa Austrisë i dëshiroi sukses në kontributin për një Evropë paqësore dhe të bashkuar.

Sponsorët