SHBA-ja urdhëron largimin e një pjese të personelit nga Arabia Saudite

Departamenti amerikan i Shtetit ka urdhëruar largimin nga Arabia Saudite të personelit diplomatik jo të domosdoshëm dhe të familjarëve të tyre, pas sulmeve ndaj aeroporteve civile dhe infrastrukturës tjetër kritike në vend.

Urdhri nuk zbatohet për të gjithë qytetarët amerikanë që ndodhen në Arabinë Saudite. Ai përfshin punonjësit qeveritarë, prania e të cilëve nuk është thelbësore për funksionimin e misioneve diplomatike, dhe familjarët e tyre.

Zëdhënësi i Departamentit të Shtetit, Tommy Pigott, paralajmëroi se Houthi-t e mbështetur nga Irani kanë intensifikuar sulmet, duke shkaktuar viktima civile dhe ndërprerje të udhëtimit. Ambasada amerikane në Riad paralajmëroi gjithashtu për mundësinë e sulmeve të tjera.

Sipas Autoritetit të Përgjithshëm të Aviacionit Civil të Arabisë Saudite, një person u vra dhe tetë të tjerë u plagosën në sulmin e së mërkurës në mbrëmje ndaj aeroportit ndërkombëtar në Dammam. Autoritetet saudite nuk identifikuan përgjegjësit për këtë sulm.

Në një incident tjetër, Ministria Saudite e Energjisë njoftoi se dy persona humbën jetën kur mbetjet e një droni të interceptuar ranë mbi një automjet pranë fushës së naftës Shaybah.

Sponsorët