Rubio kundërshton akuzat e Kievit për informacionet e inteligjencës

Sekretari amerikan i Shtetit, Marco Rubio, i quajti “skandaloze” dhe “të papranueshme” akuzat se ukrainasit po humbin jetën sepse SHBA-ja po i mban të fshehura Kievit informacionet e inteligjencës.

Rubio foli pasi këshilltari teknik ushtarak i presidentit Volodymyr Zelensky, Serhii Beskrestnov, i tha BBC-së se mungesa e paralajmërimeve të besueshme nga SHBA-ja po shkaktonte humbje jetësh.

“Ndonjëherë e marrim këtë informacion para sulmit, ndërsa herë të tjera jo”, tha Beskrestnov.

Duke folur me gazetarët gjatë vizitës në Indi, Rubio pranoi se mund të jetë e vërtetë që raketat interceptuese Patriot ende nuk kanë mbërritur në Ukrainë. Megjithatë, sipas tij, asgjë nuk i është mohuar qëllimisht Kievit.

Zelensky kishte njoftuar më herët një bisedë me Rubion për nevojën e paralajmërimeve të hershme amerikane, raketat për interceptimin e raketave balistike ruse dhe rrjetin Starlink.

Këto qëndrime vijnë përpara bisedimeve të planifikuara në Oslo mes presidentit ukrainas dhe të dërguarit amerikan Steve Witkoff, me pjesëmarrjen e Jared Kushner përmes videolidhjes.

Sponsorët