Ramadani: Kosova është vendosur në duart e një njeriu, do të vazhdojmë rezistencën
Burim Ramadani ka deklaruar se opozita do ta vazhdojë aksionin para Qeverisë kundër përqendrimit të pushtetit.
Deputeti i AAK-së, Burim Ramadani, ka deklaruar se opozita do ta vazhdojë aksionin para Qeverisë si rezistencë ndaj asaj që ai e konsideron shkelje të Kushtetutës dhe ligjshmërisë.
Ramadani tha se mbajtja e zgjedhjeve të reja nuk është skenari më i keq për Kosovën, ndërsa si problem kryesor paraqiti përqendrimin e pushtetit.
Ai akuzoi kryeministrin në detyrë, Albin Kurti, se po sillet njëkohësisht si kryeministër, president dhe parlament.
Sipas Ramadanit, Kosova është vendosur “në duart e vetëm një njeriu”, gjë që, siç tha ai, AAK-ja dhe PDK-ja nuk do ta pranojnë.
Deklarata u dha gjatë aksionit të PDK-së dhe AAK-së para ndërtesës së Qeverisë, ku morën pjesë edhe asamblistë dhe aktivistë nga Drenasi.
Burimet: KosovaPress, Reporteri.