Rama premton gjysmën e qirasë për studentët, me kushte

Kryeministri Edi Rama premtoi se qeveria shqiptare do të mbulojë 50% të qirasë për studentët që plotësojnë kriteret, përmes projektligjit për strehimin social dhe të përballueshëm.

Gjatë një takimi me drejtuesit e bankave, Rama e lidhi propozimin me rritjen e çmimeve të qirave në Tiranë dhe vështirësitë financiare të studentëve e familjeve të tyre.

“Qeveria do të futet për të paguar 50% të qirasë për të gjithë ata studentë që i plotësojnë kushtet që janë të lidhura me kriteret”, deklaroi ai.

Në deklaratën e cituar, Rama nuk specifikoi kriteret e përfitimit apo afatin kur do të niste mbështetja. Masa u paraqit si pjesë e projektligjit, pa u njoftuar si pagesë që ka nisur të zbatohet.

Sipas kryeministrit, projektligji parashikon gjithashtu mbështetje me kredi me interes zero për çiftet e reja, për një apartament deri në një çmim të caktuar, si edhe për profesionistët e rinj.

Sponsorët