Rama ia atribuon opozitës dhunën në protestën studentore

Kryeministri i Shqipërisë, Edi Rama, ia atribuoi opozitës dhunën gjatë protestës së 14 tetorit në Tiranë, duke pretenduar se pas dëmtimeve nuk qëndrojnë studentët.

Në një video të publikuar në Facebook më 15 tetor, përpara objektit të dëmtuar të Kolegjit të Evropës, Rama deklaroi: “Këto janë të tjera duar…Këto janë duart e një opozite e cila me maska të verbërish përpara me zjarr dhe me hekur kërkon ta rikthejë Shqipërinë aty ku Shqipëria nuk do të rikthehet kurrë”.

Akuza e kryeministrit vjen ndërsa protesta studentore ka hyrë në ditën e tretë. Protestuesit kundërshtojnë rritjen e kostove të arsimit dhe korrupsionin, ndërsa ndër kërkesat e tyre është edhe dorëheqja e qeverisë.

Zyra e Bashkimit Evropian në Shqipëri dënoi gjithashtu, në një deklaratë më 15 tetor, dhunën e përshkallëzuar dhe shkatërrimin e pronës publike e private.

Sponsorët