Quintin i cilëson përplasjet në Belgjikë dhunë të organizuar

Ministri belg i Brendshëm, Bernard Quintin, i cilësoi përplasjet gjatë protestave si dhunë të organizuar me qëllim destabilizimin e shoqërisë dhe paralajmëroi masa për rivendosjen e rendit.

“Është dhunë e pastër, e organizuar dhe e përsëritur, me qëllim destabilizimin e shoqërisë sonë”, shkroi ai të shtunën në rrjetet sociale. Quintin shtoi se “do të merren të gjitha masat e nevojshme për të rivendosur rendin përballë trazirave”.

Sipas një gazetari të AFP-së, policia përdori gaz lotsjellës në zonën e Bursës në Bruksel ndaj të rinjve që hidhnin shishe dhe objekte të tjera. Tubimet në kryeqytetin belg ishin kundër rritjes së kostos së jetesës.

Sponsorët