Putin: Rusia do të përdorë çdo armë nëse sulmohet Kaliningradi

Presidenti rus Vladimir Putin tha se Rusia do të përdorë të gjitha armët në dispozicion nëse vlerëson se Kaliningradi është sulmuar drejtpërdrejt. Sipas raportimit të BBC-së, ai këmbënguli se Moska “nuk po kërcënonte askënd” dhe se po u përgjigjej deklaratave të udhëheqësve perëndimorë për përgatitjet ruse për luftë në vitin 2029 ose 2030.

Kaliningradi është territori rus në Baltik që kufizohet me Poloninë dhe Lituaninë. Gjatë javës, Moska ka akuzuar NATO-n se po përgatitet ta bllokojë këtë territor dhe ka paralajmëruar mundësinë e përdorimit të armëve bërthamore nëse Perëndimi përpiqet ta shkëpusë nga pjesa tjetër e Rusisë.

NATO ka theksuar se është aleancë mbrojtëse dhe i ka kërkuar Moskës t’i ndalojë “kërcënimet e saj bërthamore”. Akuza për përgatitjen e një bllokade mbetet pretendim i Rusisë.

Sponsorët