Protesta në Tiranë, mes 59 të lënduarve edhe kalimtarë

Në spital janë paraqitur 59 persona të lënduar gjatë protestës së të shtunës në Tiranë, përfshirë katër kalimtarë, mes tyre një i mitur, sipas Euronews Albania.

Bilanci i raportuar përfshin 34 efektivë policie dhe 21 protestues, krahas katër kalimtarëve.

RTSH raporton gjithashtu se shefi i Komisariatit Nr. 3 në Tiranë është plagosur gjatë përplasjeve të së shtunës. Sipas këtij raportimi, ai ka pësuar dëmtime në kokë dhe ka marrë 12 të qepura.

Protesta u shoqërua me hedhje gurësh, molotovësh dhe mjetesh piroteknike drejt policisë, ndërsa forcat policore përdorën gaz lotsjellës dhe autobotë uji për shpërndarjen e turmës.

Sponsorët