Modrić pas 7–0: Për herë të parë ndihet i turpëruar

Luka Modrić tha për “Jutarnji” se për herë të parë në 20 vite me kombëtaren kroate ndihet i turpëruar pas një ndeshjeje. Kapiteni kritikoi mungesën e agresivitetit dhe të bashkimit në paraqitjen ndaj Anglisë, pas humbjes 7–0 në Rijekë.

“Jam këtu prej 20 vitesh, por për herë të parë ndihem i turpëruar pas një ndeshjeje”, deklaroi Modrić.

Ai pranoi se Anglia aktualisht është më e mirë, por e cilësoi të papranueshme mënyrën e humbjes dhe dëmin që, sipas tij, kjo paraqitje i bën reputacionit të ndërtuar ndër vite nga Kroacia.

“Nuk mund të luash sikur ke dy lojtarë më pak. Ne dukeshim sikur kishim katër apo pesë lojtarë më pak. Një natë katastrofale”, tha kapiteni.

Përpara përballjes së radhës me Spanjën, Modrić u bëri thirrje bashkëlojtarëve të qëndrojnë bashkë dhe të tregojnë karakter, krenari e gatishmëri.

Sponsorët