Mali i Zi drejt BE-së, punohet për traktatin e anëtarësimit

Këshilli Evropian ka mirëpritur punën për hartimin e traktatit të anëtarësimit me Malin e Zi, ndërsa mbyllja e përkohshme e kapitujve të mbetur të negociatave mbetet e kushtëzuar nga zbatimi i reformave përkatëse.

Në konkluzionet për zgjerimin dhe reformat, të miratuara më 15 tetor, Këshilli shënon synimin e Presidencës irlandeze për të punuar drejt mbylljes së këtyre kapitujve. Dokumenti nuk shpall përfundimin e negociatave apo një datë anëtarësimi.

Këshilli rithekson se secili vend kandidat përparon sipas meritave dhe progresit individual. Vendeve aspiruese u kërkohet të vazhdojnë reformat, veçanërisht në sundimin e ligjit.

Paralelisht, edhe BE-ja duhet të përgatitet për zgjerimin përmes reformave të brendshme dhe përshtatjes së politikave e kapacitetit të saj për të vepruar, sipas konkluzioneve.

Sponsorët