Kurti: Zgjedhjet e reja janë të paarsyeshme e të kushtueshme, bisedimet për presidentin vazhdojnë
Albin Kurti tha se bisedimet për zgjedhjen e presidentit do të vazhdojnë dhe se përsëritja e zgjedhjeve do të ishte e paarsyeshme dhe e kushtueshme.
Kryeministri në detyrë, Albin Kurti, ka thënë se Lëvizja Vetëvendosje do të marrë pjesë në seancën e Kuvendit të thirrur për të mërkurën.
Kurti deklaroi se takimet dhe bisedimet politike do të vazhdojnë, me synimin që të arrihet marrëveshje për zgjedhjen e presidentit dhe të shmangen zgjedhjet e reja.
“Vazhdojmë me takime e bisedime në mënyrë që ta zgjedhim presidentin dhe të mos kemi nevojë t’i përsërisim zgjedhjet, që janë të paarsyeshme e të kushtueshme”, tha ai.
I pyetur për një takim tjetër me Lumir Abdixhikun, Kurti tha se është në komunikim të vazhdueshëm me aktorët e tjerë politikë dhe i drejtoi pyetjet te subjektet që paralajmërojnë bojkotimin e zgjedhjes së presidentit.
DPT — Drita për të vërtetën
Foto: European Union, Photo: Xavier Lejeune / Wikimedia Commons, CC BY 4.0.