Krasniqi: Letra e Arlindës në çdo institucion të Kosovës

Rrezarta Krasniqi kërkoi që letra e Arlinda Zekajt të vendoset në çdo institucion të Kosovës, krahas fotografisë së Presidentes, si kujtesë për përgjegjësinë në mbrojtjen e grave, pas vrasjes së saj.

Në reagimin e saj, Krasniqi e përshkroi letrën si dëshmi të asaj që e quajti dështim institucional. Sipas saj, ajo duhet të ndikojë në ndërgjegjen e zyrtarëve të sigurisë para çdo veprimi apo vendimi, veçanërisht kur rrezikohet jeta e grave.

Krasniqi bëri thirrje për protesta të përditshme para Qeverisë dhe institucioneve të drejtësisë, duke kërkuar që mobilizimi të mos kufizohet vetëm te protesta e paralajmëruar për nesër.

Ajo tha se udhëheqësit institucionalë duhet të dorëhiqeshin dhe pretendoi se përgjegjësit në hallkën e drejtësisë në Pejë do të duhej të ishin në burg. Këto qëndrime i paraqiti si pjesë të kritikës së saj ndaj trajtimit institucional të rastit.

“Për siguri e liri për gratë e gjalla e drejtësi për gratë e vrara!”, shkroi Krasniqi.

Sponsorët