IKD: Ministri jashtë Këshillit Drejtues të Akademisë së Drejtësisë

Instituti i Kosovës për Drejtësi propozon që ministri i Drejtësisë të mos jetë anëtar i Këshillit Drejtues të Akademisë së Drejtësisë, sepse, sipas tij, kjo përbërje i mundëson ekzekutivit të ndërhyjë në vendimmarrjen e një institucioni të përcaktuar si të pavarur.

Në hulumtimin parlamentar për reformën e këshillave të drejtësisë dhe Akademisë, IKD-ja propozon një amendament për Projektligjin nr. 11/L-011. Instituti thekson se Këshilli Drejtues vendos edhe për ankesat ndaj vlerësimit të trajnimit fillestar të gjyqtarëve dhe prokurorëve, vendime që mund të ndikojnë në vazhdimin e karrierës së tyre.

Sipas IKD-së, largimi i ministrit nga ky organ mbështetet edhe në rekomandimin e Komisionit të Venecias. Instituti propozon një këshill me përfaqësues të Gjykatës Supreme, Prokurorit të Shtetit, Këshillit Gjyqësor dhe Këshillit Prokurorial, pa përfaqësues të pushtetit ekzekutiv.

Sponsorët