Haxhiu: Zvarritja për presidentin mund të sjellë zgjedhje të parakohshme

Kryetarja e Kuvendit dhe ushtruesja e detyrës së presidentes, Albulena Haxhiu, paralajmëroi se mungesa e vullnetit politik për zgjedhjen e presidentit mund ta çojë Kosovën sërish në zgjedhje të parakohshme. Ajo u bëri thirrje partive të vazhdojnë takimet për konsensus, duke theksuar kohën e kufizuar deri më 6 tetor.

Haxhiu kërkoi që partitë të dëshmojnë vullnet për marrëveshje dhe të shmangin zvarritjen. Sipas saj, shmangia e zgjedhjeve është e rëndësishme për reformat e brendshme dhe obligimet ndërkombëtare të Kosovës.

“Prandaj unë ftoj partitë politike që të vazhdojnë këto takime. Me aq sa unë jam në dijeni, takimet do të vazhdojnë shumë shpejt”, deklaroi ajo.

Haxhiu shprehu shpresën që takimet të sjellin konsensus për presidentin, pa njoftuar ndonjë marrëveshje të arritur.

Sponsorët