Haxhiu për vrasjet në Livoç: Hetim i paanshëm

Kryetarja e Kuvendit të Kosovës, Albulena Haxhiu, kërkoi hetim të plotë, të paanshëm dhe profesional pas vrasjes së një gruaje dhe një burri në Livoç të Ulët të Gjilanit, ku u plagos edhe një person tjetër.

Në një postim në Facebook, ajo tha se pret zbardhjen e të gjitha rrethanave të krimit dhe që përgjegjësit të dalin para drejtësisë.

“Dy jetë të humbura dhunshëm dhe familje që sot po përballen me një dhimbje të madhe”, shkroi Haxhiu.

Ajo u shprehu ngushëllime familjeve të viktimave dhe të plagosurit i uroi shërim të shpejtë. Gjithashtu, bëri thirrje që familjeve të prekura t’u ofrohet mbështetja e nevojshme, duke respektuar privatësinë dhe dinjitetin e tyre.

Sponsorët