Hamza sfidon ftesën e Kurtit — kush vendos për nënkryetarin e PDK-së?
Bedri Hamza thotë se partitë e tjera nuk mund ta përcaktojnë kandidatin e PDK-së për nënkryetar të Kuvendit dhe kërkon respektimin e procedurës.
Kryetari i PDK-së, Bedri Hamza, ka deklaruar se kandidatin e partisë së tij për nënkryetar të Kuvendit nuk mund ta përcaktojnë partitë e tjera, pasi, sipas tij, ky post i takon subjektit politik përkatës sipas rregullave dhe Kushtetutës.
Duke iu përgjigjur ftesës së kryeministrit në detyrë, Albin Kurti, për takim me drejtuesit e PDK-së dhe LDK-së, Hamza tha në ‘Debat Plus’ se pengesa nuk lidhet me emrat e kandidatëve, por me respektimin e procedurës për zgjedhjen e nënkryetarëve.
Hamza e cilësoi diskutimin për emrat si përpjekje për vazhdimin e ‘vakumit institucional’. PDK-ja ka propozuar Vlora Çitakun, ndërsa LDK-ja Kujtim Shalën për postet e nënkryetarëve.
Seanca konstituive është shtyrë për të premten, pasi nuk u arrit dakordim për zgjedhjen e nënkryetarëve të Kuvendit.
Burimi: Reporteri.net
DPT — Drita për të vërtetën