Gjimnazistët në Shkodër e Lezhë lënë mësimin, kërkojnë dorëheqjen e Ramës

Një pjesë e gjimnazistëve në Shkodër dhe Lezhë bojkotuan mësimin mëngjesin e së hënës dhe nisën marshime proteste, me thirrje për dorëheqjen e kryeministrit Edi Rama.

“Rama, jep dorëheqjen” dhe “Opozitë e shitur” ishin ndër thirrjet e protestuesve. Ata u bënë thirrje edhe qytetarëve të bashkoheshin me marshimin.

Sipas informacionit të përcjellë për protestën, universitetet në Shkodër nuk e bojkotuan mësimin. Në momentin e raportimit, situata përshkruhej e qetë dhe nuk raportoheshin incidente.

Bojkot i pjesshëm i mësimit nga gjimnazistë dhe studentë u raportua edhe në Vlorë dhe Elbasan. Në Tiranë pritej të mbahej dita e shtatë e protestës, me kërkesë kryesore dorëheqjen e qeverisë.

Sponsorët