Foda shpjegon ndryshimet: Synimi është Evropiani 2028

Franco Foda e lidhi aktivizimin e lojtarëve të rinj ndaj Izraelit me synimin e Kosovës për t’u kualifikuar në Evropianin 2028. Pas barazimit 0-0, selektori tha se skuadra duhet të jetë e kënaqur me një pikë, duke theksuar se disa prej lojtarëve nuk kishin luajtur kurrë së bashku.

“Po luajmë në Ligën e Kombeve dhe gjithmonë kam thënë se synimi ynë është kualifikimi në Evropian. Për këtë arsye kam vendosur të prezantoj fytyra të reja”, tha Foda.

Tekniku gjerman e vlerësoi Izraelin si kundërshtar të fortë teknikisht dhe u shpreh i kënaqur me punën e lojtarëve në këtë përballje. Pas xhiros së tretë në Ligën B të Ligës së Kombeve, Kosova ka katër pikë, ndërsa Izraeli një.

Sponsorët