Daut Haradinaj: Për Specialen u bë pazar i ulët

Daut Haradinaj, anëtar i Kryesisë së Aleancës, e cilësoi negocimin për projektligjin për Specialen si çështje kombëtare që nuk duhej të lidhej me zgjedhjen e presidentes, duke deklaruar në Rubikon: “U bë pazar i ulët”.

Ai tha se protesta kishte për qëllim kundërshtimin e dënimit të krerëve të UÇK-së dhe jo mbështetjen e një subjekti politik apo zgjedhjen e presidentes.

“Ne nuk kemi dalë për president, por kundër dënimit të krerëve të UÇK-së. Unë nuk jam PDK, kam qenë qytetar i pakënaqur me atë vendim. S’kemi dalë me përkrahë kauzën e një subjekti politik”, tha Haradinaj.

Duke kritikuar Hamzën, Haradinaj pretendoi se veprimet nuk përputheshin me deklarimet dhe kundërshtoi ndaljen e protestës. Ai tha gjithashtu se Kurti, Abdixhiku, Gjini dhe Hamza kishin përgjegjësi kombëtare për këtë çështje dhe nuk duhej të hynin në negociata për projektligjin.

Sponsorët