Zelensky për naftën ruse: “Dhuratat për Putinin” nuk sjellin paqe

Presidenti ukrainas Volodymyr Zelensky e cilësoi lejimin e shitjes së naftës ruse në SHBA si investim në vazhdimin e luftës, duke kundërshtuar të premten marrëveshjen për furnizime që njoftoi presidenti amerikan Donald Trump.

“Dhuratat për Putinin nuk do të sjellin paqe ose ndonjë përfitim për botën e civilizuar”, shkroi Zelensky në rrjetin X.

Sipas Reuters, presidenti ukrainas e përshkroi paktin si “vendim të dobët nga ana e partnerëve të fortë”. Ai kërkoi depërshkallëzim të vërtetë me Rusinë mbi bazë reciproke dhe argumentoi se të ardhurat nga shitja e produkteve të naftës do ta zgjasnin luftën.

Reagimi erdhi ndërsa një delegacion ukrainas ndodhej në SHBA për bisedime mbi gjetjen e një zgjidhjeje për luftën me Rusinë.

Trump kishte njoftuar në Truth Social se, pas një bisede me presidentin rus Vladimir Putin, ishte arritur marrëveshje për dërgimin e dizelit rus në tregjet amerikane dhe botërore. Sipas presidentit amerikan, këto furnizime do të ndihmonin në uljen e çmimit të dizelit.

Sponsorët