Zelensky në Oslo, Ukraina fton edhe të dërguarit amerikanë

Ukraina ka kërkuar pjesëmarrjen e Steve Witkoff dhe Jared Kushner në takimet e parashikuara më 20 tetor në Oslo me presidentin Volodymyr Zelensky, sipas një deklarate të Qeverisë norvegjeze.

Witkoff do të udhëtojë drejt kryeqytetit norvegjez, ndërsa Kushner do të marrë pjesë përmes videolidhjes për shkak të sëmundjes, thuhet në deklaratë. Kryeministri norvegjez, Jonas Gahr Store, konfirmoi se ftesa për të dërguarit e posaçëm amerikanë ishte bërë nga pala ukrainase.

Zelensky pritet të takohet me Storen dhe presidentin finlandez, Alexander Stubb. Qeveria norvegjeze e lidh këtë takim me synimin që përpjekjet diplomatike për Ukrainën të marrin një qasje më konstruktive. Programi përfshin gjithashtu një takim me mbretin e Norvegjisë dhe vizitë në Parlament.

Para udhëtimit, Zelensky njoftoi se kishte biseduar me sekretarin amerikan të Shtetit, Marco Rubio. Sipas presidentit ukrainas, biseda përfshiu mbrojtjen nga raketat balistike, sistemet e paralajmërimit të hershëm dhe komunikimet satelitore Starlink e Starshield. Ai e cilësoi bisedën substanciale dhe konstruktive.

Sponsorët