Zelensky: 70 raketa ruse dhe kundërpërgjigje në Detin e Zi

Presidenti ukrainas Volodymyr Zelensky tha se Rusia hodhi 70 raketa në sulmet e natës ndaj Ukrainës dhe se Ukraina kishte kundërpërgjigjur edhe në Detin e Zi, pa dhënë hollësi për këtë veprim.

Sipas BBC-së, të paktën 24 persona u vranë nga sulmet në pjesët qendrore dhe lindore të Ukrainës. Mes qyteteve të goditura ishin Kievi, Dnipro, Kremenchuk, Zaporizhia dhe Oleksandriya.

Në një postim të mërkurën pasdite, Zelensky tha se 18 persona, përfshirë katër fëmijë, u vranë nga goditja ndaj një ndërtese banimi pesëkatëshe në Pryluky. Shërbimi Emergjent Shtetëror i Ukrainës raportoi 50 të lënduar në këtë sulm, përfshirë shtatë fëmijë.

Zelensky e përshkroi shkatërrimin e ndërtesës si “dhuratë për ditëlindje për Putinin”, i cili të mërkurën mbushi 74 vjet. Ai tha gjithashtu se Ukraina kishte goditur caqe në rajonet ruse Perm, Samara dhe Astrakhan gjatë 24 orëve të fundit.

Moska ende nuk i kishte komentuar sulmet e reja.

Sponsorët