Vuçiniq: “NATO është këtu për të qëndruar” në Bosnjë

NATO nuk ka ndërmend të tërhiqet nga Bosnje e Hercegovina dhe nuk do të lejojë krijimin e një vakumi të sigurisë, tha ambasadori Vladimir Vuçiniq, shef i Qelisë së NATO-s për Mbështetjen e Angazhimit Politik në këtë vend, në një intervistë për Report Difesa.

“NATO është këtu për të qëndruar”, deklaroi Vuçiniq. Sipas tij, Aleanca e vlerëson aktualisht situatën e sigurisë në Bosnje e Hercegovinë si stabile dhe mbetet e përkushtuar ndaj sovranitetit dhe integritetit territorial të vendit.

Duke folur për zhvillimet pas zgjedhjeve të 4 tetorit, ai tha se NATO nuk komenton kandidatët, partitë apo rezultatet zgjedhore. Ai theksoi rëndësinë e funksionimit të institucioneve dhe zgjidhjes së dallimeve politike përmes dialogut dhe procedurave demokratike.

Vuçiniq tha gjithashtu se Aleanca po përcjell me kujdes retorikën nxitëse, përpjekjet për thellimin e ndarjeve dhe dezinformimin që mund të ndikojnë në stabilitetin rajonal. Sipas tij, NATO mund të ofrojë mbështetje dhe ekspertizë, por përparimi kërkon vullnet politik dhe përgjegjësi vendore.

Sponsorët