Trump vendos kusht për largimin e LaCivita-s dhe Blair-it

Presidenti amerikan Donald Trump tha se do t’i largojë menjëherë konsulentët Chris LaCivita dhe James Blair nëse konstatohet konflikt interesi, pas raportimeve për angazhimin e tyre këshillimor në Republikën Serbe, në Bosnje-Hercegovinë.

Në një postim në Truth Social, Trump tha se nuk e dinte për kë punonin ata jashtë angazhimit me të dhe se do t’u kërkonte sqarime. “Do t’i pyes dhe, nëse ka konflikt interesi, do t’i pushoj menjëherë”, deklaroi ai.

Trump i përshkroi LaCivita-n dhe Blair-in si konsulentë të jashtëm dhe tha se lejohen të kenë klientë të tjerë, ashtu si konsulentët e tjerë politikë në Washington.

“Chris LaCivita dhe James Blair janë konsulentë të jashtëm. Ata nuk punojnë për mua, përveçse në cilësinë e konsulentëve të jashtëm”, shkroi ai.

Sipas Reuters, reagimi pason raportimet se dy konsulentët kanë udhëtuar në Republikën Serbe dhe kanë ofruar këshillim politik përpara zgjedhjeve. Deklarata e Trumpit e kushtëzon largimin e tyre me konstatimin e një konflikti interesi.

Sponsorët