Trump: Evropa do të nxjerrë naftë nga rezervat strategjike

Presidenti amerikan Donald Trump deklaroi në Truth Social se vendet evropiane kanë rënë dakord të nxjerrin një sasi të madhe nafte nga rezervat strategjike për të lehtësuar rritjen e çmimeve të karburantit. Deri në publikimin e deklaratës së tij, marrëveshja nuk ishte konfirmuar nga ndonjë qeveri evropiane apo institucion i Bashkimit Evropian.

Trump kishte paralajmëruar më herët se SHBA-ja mund të kufizonte eksportet e naftës drejt Evropës nëse vendet evropiane nuk shtonin furnizimet nga rezervat. Bashkimi Evropian kishte deklaruar se e “refuzon plotësisht” një masë të tillë.

Deklarata vjen në kushtet e presionit mbi tregjet e energjisë nga konflikti SHBA–Izrael me Iranin dhe kufizimet në qarkullimin e anijeve përmes Ngushticës së Hormuzit, një rrugë kryesore për transportin e naftës.

Sponsorët