Shaheen në Tiranë: Paqëndrueshmëria nuk ndalet te kufiri

Senatorja amerikane Jeanne Shaheen tha në Tiranë se zhvillimet në Kosovë dhe Bosnjë kanë rëndësi për stabilitetin e Shqipërisë dhe se politika amerikane duhet të përforcojë institucionet e marrëveshjet që kanë ndihmuar në ruajtjen e stabilitetit rajonal.

“Shqipëria e kupton se paqëndrueshmëria nuk ndalet te kufiri. Ajo që ndodh në Bosnjë ka rëndësi këtu. Ajo që ndodh në Kosovë ka rëndësi këtu”, tha Shaheen gjatë një ngjarjeje të organizuar nga Këshilli Atlantik.

Senatorja demokrate theksoi rëndësinë e vazhdimit të partneritetit amerikan me Ballkanin Perëndimor për stabilitetin dhe zhvillimin ekonomik. Ajo përmendi kërcënimet ndaj avancimit të demokracisë dhe rolin e brezit të ardhshëm të liderëve.

Shaheen u bëri thirrje qytetarëve shqiptarë të qëndrojnë të angazhuar, të kërkojnë institucione në shërbimin e tyre dhe t’u kërkojnë llogari udhëheqësve. “Krijoni biznese, kandidoni për poste publike, kërkoni llogari nga udhëheqësit tuaj dhe ndërtoni Shqipërinë në të cilën dëshironi të jetoni”, tha ajo.

Sponsorët