Politico: Trump shqyrton zëvendësimin e Wiles, Shtëpia e Bardhë mohon përçarjet

Presidenti amerikan Donald Trump po shqyrton mundësinë e zëvendësimit të shefes së kabinetit, Susie Wiles, sipas Politico-s, ndërsa publikisht ka shprehur besim të plotë tek ajo dhe Shtëpia e Bardhë ka mohuar raportimet për përçarje.

Sipas Politico-s, Trump ka pyetur persona të afërt për punën e Wiles dhe për emra që mund ta zëvendësojnë. Materiali nuk paraqet ndonjë vendim për shkarkimin e saj.

Në mesin e çështjeve që, sipas raportimit, kanë tërhequr vëmendjen e presidentit është angazhimi i vajzës së saj, Katie Wiles, në Continental Strategy, kompani që përfaqëson Republikën Sërpska në SHBA.

Sipas dokumenteve të regjistruara në SHBA, të përmendura në material, kompania nënshkroi në shkurt një kontratë lobimi me vlerë 35 mijë dollarë në muaj. Continental Strategy ka deklaruar se Katie Wiles nuk ka lobuar te zyrtarët amerikanë në emër të këtij entiteti.

Kompania e ka shpjeguar vizitën e saj në Republikën Sërpska në gusht si pjesë të një angazhimi tjetër biznesor, për mbështetje në komunikim strategjik për një kompani amerikane.

Sponsorët