Policia përdor spraj lotsjellës në protestën kundër Ramës

Policia përdori spraj lotsjellës gjatë përplasjes me protestuesit përpara Kryeministrisë në Tiranë, në tubimin ku kërkohet dorëheqja e kryeministrit Edi Rama, sipas raportimit të TCH-së.

Sipas të njëjtit raportim, përplasja nisi pasi disa protestues dolën përpara një furgoni të policisë dhe penguan lëvizjen e tij. Efektivët ndërhynë për t’i larguar, duke i shtyrë dhe duke përdorur spraj lotsjellës, ndërsa protestuesit kundërshtuan veprimet e tyre.

Në tubim marrin pjesë studentë dhe qytetarë, të cilët prej disa orësh qëndronin përpara godinës së qeverisë. Pas incidentit, protestues të tjerë vijuan të qëndronin në shesh. Në momentin e raportimit, situata përshkruhej si e qetë.

Sponsorët