Osmani: Evropa të mos lejojë shtrembërimin e historisë

Ish-presidentja e Kosovës, Vjosa Osmani, tha se një Evropë e fortë duhet të mbrojë demokracinë, lirinë dhe të vërtetën, pa lejuar shtrembërimin e historisë në kurriz të viktimave. Në një postim për pjesëmarrjen e saj në Vjenë, një shekull pas Kongresit të parë Panevropian, ajo e paraqiti mbrojtjen e këtyre vlerave si detyrë të Evropës.

“Që mbron demokracinë, lirinë dhe të vërtetën, duke mos lejuar që historia të shtrembërohet në kurriz të viktimave”, shkroi Osmani.

Sipas saj, rruga evropiane është pjesë e identitetit të Kosovës dhe e aspiratës për një të ardhme të bazuar në liri, demokraci dhe paqe.

Osmani njoftoi se në ngjarjen me temën “Një Evropë e fortë!” u bashkua me liderë, diplomatë dhe përfaqësues të shoqërisë civile nga mbarë Evropa. Si fituese e Çmimit Evropian Coudenhove-Kalergi për vitin 2024, ajo kujtoi se rreth 20 vjet më parë ky çmim i ishte ndarë edhe Ibrahim Rugovës.

Sponsorët