Nuñez shpjegon rolin e ushtrisë gjatë protestave në Francë

Franca do të angazhojë forcat ushtarake Sentinelle për të marrë përsipër disa detyra sigurie, në mënyrë që policia dhe xhandarmëria të përqendrohen në ruajtjen e rendit gjatë protestave të së shtunës, deklaroi ministri i Brendshëm, Laurent Nuñez.

Në Asamblenë Kombëtare, Nuñez tha se angazhimi synon lirimin e forcave të sigurisë së brendshme nga një pjesë e detyrave të tyre. Sipas shpjegimit të tij, roli i ushtarakëve do të jetë mbështetës, duke mundësuar përqendrimin e policisë te menaxhimi i protestave.

Ministri paralajmëroi se reagimi ndaj çdo trazire do të jetë “i vendosur”. Kryeministri Sébastien Lecornu kishte deklaruar më herët se prania policore gjatë fundjavës do të jetë “masive”, ndërsa qeveria synon rikthimin e menjëhershëm të rendit pas trazirave të fundjavës së kaluar.

Sponsorët