Musk mbështet Trumpin për ndërrimin e presidentit në Ukrainë

Elon Musk ka mbështetur thirrjen e Donald Trumpit që Ukraina të zgjedhë një president të ri, duke pretenduar në platformën X se Volodymyr Zelensky e ka tepruar.

Musk e shprehu këtë qëndrim në reagimin ndaj një videoje ku presidenti amerikan kritikonte Zelenskyn për mosarritjen e një marrëveshjeje me Rusinë. Trump pretendoi se presidenti ukrainas kishte pasur mundësi për ta përfunduar luftën, por nuk i kishte shfrytëzuar.

Thirrjen për ndryshimin e udhëheqjes e kundërshtoi ministri i Jashtëm ukrainas, Andrii Sybiha. Ai tha të dielën se vetëm qytetarët e Ukrainës kanë autoritetin ligjor dhe sovran për të vendosur mbi udhëheqjen e vendit, edhe gjatë luftës.

Sybiha gjithashtu deklaroi se Zelensky vazhdon të ketë mbështetje të gjerë publike.

Sponsorët