Milatoviq fton Trumpin: Vizita do të ishte historike

Presidenti i Malit të Zi, Jakov Milatoviq, tha se e ka ftuar presidentin amerikan Donald Trump për vizitë, gjatë një takimi në margjinat e Asamblesë së Përgjithshme të OKB-së në Nju Jork. Sipas tij, nëse vizita realizohet, Trump do të ishte presidenti i parë amerikan që viziton Malin e Zi.

Në një postim në X më 2 tetor, Milatoviq tregoi se ftesën e kishte shoqëruar edhe me propozimin për të luajtur golf me pamje nga një prej gjireve të vendit.

“Vizita e Presidentit Trump do të kishte një rëndësi të veçantë dhe do të ishte historike, pasi ai do të ishte presidenti i parë amerikan që do të vizitonte Malin e Zi”, deklaroi Milatoviq.

Ai e paraqiti vizitën e mundshme si rast për forcimin e miqësisë dhe partneritetit strategjik me Shtetet e Bashkuara. Deklarata e tij nuk përmban konfirmim se Trump e ka pranuar ftesën apo se është caktuar një datë vizite.

Sponsorët