Kurti: LDK-ja i ka VV-së “borxh 6 deputetë”

Kryeministri Albin Kurti tha se LDK-ja i ka Vetëvendosjes “borxh 6 deputetë”, duke pretenduar se mbështetja për kandidaturën e Bekim Sejdiut për president ra nga 18 në 12 deputetë dhe pamundësoi zgjedhjen e tij.

Në konferencën për media, Kurti tha se kryetari i LDK-së, Lumir Abdixhiku, kishte negociuar marrëveshjen në emër të 18 deputetëve dhe se edhe vendimi i Kryesisë së partisë ishte marrë mbi këtë bazë.

“Dhe mandej ky 18-shi ra në 12 dhe na e pamundësoi zgjedhjen e Bekim Sejdiut”, tha Kurti.

Ai e krahasoi këtë me mbështetjen që tha se kishte siguruar nga deputetët në emër të të cilëve kishte negociuar vetë. Pretendimin për gjashtë deputetët e paraqiti si një detyrim politik të LDK-së në situata të ngjashme.

Kurti tha se nuk kishte komunikuar me Abdixhikun pasi marrëveshja u bë e parealizueshme, por paralajmëroi komunikim të ri me të, pa ndërmjetësues.

Sponsorët