Kurti kërkon mbështetjen gjermane për Kosovën kandidate në BE

Kryeministri Albin Kurti kërkoi mbështetjen e Gjermanisë për statusin e Kosovës si shtet kandidat për anëtarësim në Bashkimin Evropian, gjatë takimit të sotëm me Anton Hofreiter, kryetar i Komisionit për Çështjet e Bashkimit Evropian në Bundestagun gjerman, sipas Zyrës së Kryeministrit.

Kurti e cilësoi këtë si “statusin e merituar” dhe tha se Kosova ka shënuar “përparim të rëndësishëm në demokraci, sundimin e ligjit, siguri dhe ekonomi”. Njoftimi nuk përmend ndonjë zotim të Hofreiterit për këtë kërkesë.

Sipas Zyrës së Kryeministrit, në takim u trajtuan zhvillimet aktuale në vend, integrimet evropiane, çështjet e sigurisë dhe bashkëpunimi rajonal. Kurti shprehu gjithashtu gatishmërinë për thellimin e bashkëpunimit me Bundestagun gjerman.

Sponsorët