Kurti falënderon Hamzën: “Shumë mund e përpjekje”

Kryeministri Albin Kurti falënderoi kryetarin e PDK-së, Bedri Hamza, për pranimin e propozimit për Justina Shiroka-Pulën si presidente, duke e përshkruar kompromisin si rezultat të shumë përpjekjeve.

“Falënderoj deputetët pjesëmarrës në votim, sikurse edhe kryetarin Hamza që pranoi propozimin. Shumë mund e përpjekje, për kompromisin në fund. Për Republikën e Kosovës! Urime presidentes së re dhe të gjithë qytetarëve”, shkroi Kurti në Facebook.

Në të njëjtin postim, ai tha se Kosova tashmë ka presidenten dhe ligjin me ndryshime për Dhomat e Specializuara. Kurti u zotua se do të punojnë bashkë për suksesin e ish-krerëve të UÇK-së në Apel, pa dhënë hollësi për hapat e këtij angazhimi.

Shiroka-Pula u zgjodh presidente me 81 vota, pas miratimit të ndryshimeve në ligjin për Dhomat e Specializuara.

Sponsorët