Kërkesa nga marshi: çfarë kërkon Gucati për gjykimin në Hagë?

Proces të drejtë e të paanshëm për ish-krerët e UÇK-së që po gjykohen në Hagë kërkoi Hysni Gucati gjatë fjalimit në “Marshin për Liri”. Kryetari i OVL-UÇK-së tha se të drejtat e secilit të akuzuar duhet të respektohen plotësisht.

Duke folur në emër të shoqatave të dala nga lufta, Gucati kundërshtoi atë që e përshkroi si rrezik që drejtësia të përdoret për rishkrimin e historisë së luftës së Kosovës.

Sponsorët

Ai u tha pjesëmarrësve se UÇK-ja ishte ngritur kundër shtypjes dhe se mbrojtja e së vërtetës së çlirimit lidhet, sipas tij, me dinjitetin e atyre që e bartën barrën e luftës.

Në fjalim, Gucati përmendi edhe mbështetjen e Shteteve të Bashkuara dhe NATO-s për Kosovën gjatë luftës. Ai theksoi se liria ishte arritur me sakrificë dhe kundërshtoi atë që e quajti kriminalizim të luftës.

DPT — Drita për të vërtetën