Hyseni paralajmëron mbledhje urgjente për sigurinë pas vrasjes në Pogragjë

Kryetari i Gjilanit, Alban Hyseni, tha se nesër në mëngjes do të thërrasë mbledhje urgjente të Këshillit Komunal për Siguri në Bashkësi, pas vrasjes në fshatin Pogragjë, për të trajtuar hapat e menjëhershëm për sigurinë e qytetarëve.

Sipas tij, në mbledhje do të marrin pjesë udhëheqja e Policisë së Kosovës dhe organet e tjera përgjegjëse. Hyseni tha se komuna do të bashkëpunojë me institucionet e sigurisë për menaxhimin dhe parandalimin e rasteve të tilla.

“Mbrojtja e jetës së qytetarëve tanë është prioriteti ynë kryesor institucional”, theksoi ai.

Kryetari shprehu ngushëllime për familjet që humbën të afërmit në dy ngjarjet tragjike të ditëve të fundit në komunën e Gjilanit dhe u uroi shërim të shpejtë të lënduarve. Ai u bëri thirrje qytetarëve për qetësi, maturi dhe bashkëpunim me organet e rendit.

Sponsorët