Hoxhaj: Të verifikohen burimet e raportit të Dick Martyt

Deputeti i PDK-së, Enver Hoxhaj, propozoi në seancën plenare që Kuvendi dhe grupet parlamentare të nisin një mocion në Këshillin e Evropës për verifikimin e burimeve të raportit të Dick Martyt dhe sqarimin e metodologjisë së tij.

Sipas Hoxhajt, për këtë mocion duhen 20 nënshkrime nga përfaqësues të pesë ose gjashtë vendeve. Ai kërkoi që nisma të përfshijë edhe kërkesën për anëtarësimin e Kosovës në Këshillin e Evropës.

Hoxhaj pretendoi se mospërmbyllja e anëtarësimit të Kosovës para dy vitesh lidhej me Gjykatën Speciale dhe jo me Asociacionin e komunave. Ai e cilësoi mocionin dhe raportin e Martyt si pjesë të luftës hibride ruse kundër pavarësisë dhe shtetësisë së Kosovës. Këto ishin vlerësime të deputetit gjatë fjalës së tij në Kuvend.

Sponsorët