Hegseth: Publiku do të mund ta shohë ekzekutimin e Hasanit

Sekretari amerikan i Mbrojtjes, Pete Hegseth, tha se publiku do të mund ta ndjekë ekzekutimin me pushkatim të ish-majorit Nidal Hasan, ndërsa një zyrtar i Departamentit të Mbrojtjes i tha BBC-së se ai do të transmetohet drejtpërdrejt.

“Ne do të sigurohemi që njerëzit të mund ta shohin atë, që të jetë publik”, deklaroi Hegseth.

Hasan vrau 13 ushtarë amerikanë të paarmatosur në bazën Fort Hood në vitin 2009. Pentagoni njoftoi më herët gjatë javës se do ta ekzekutonte, në atë që pritet të jetë ekzekutimi i parë ushtarak amerikan pas më shumë se 60 vitesh.

Avokati John Mills, i cili punon me të burgosur të dënuar me vdekje, e cilësoi transmetimin drejtpërdrejt si “të paprecedentë në epokën moderne” dhe tha se ai ndodhet në një “terren ligjor të pasigurt”.

Sponsorët