Shtatë shtete padisin administratën Trump për bllokimin e fondeve

Kalifornia dhe gjashtë shtete të tjera kanë paditur administratën Trump, duke e akuzuar se po mban fonde federale të miratuara nga Kongresi. Mes tyre janë rreth 810 milionë dollarë që Shtëpia e Bardhë kërkoi t’i anulonte para përfundimit të vitit fiskal.

Padia u ngrit të mërkurën në gjykatën federale për Distriktin Verior të Kalifornisë. Sipas padisë së udhëhequr nga prokurori i përgjithshëm i Kalifornisë, Rob Bonta, refuzimi për të shpenzuar fondet cenon ndarjen kushtetuese të pushteteve dhe kompetencën e Kongresit për shpenzimet federale.

“Vetëm pse Presidentit nuk i pëlqen një program nuk do të thotë se ai mund ta ndërpresë financimin e tij”, tha Bonta në një deklaratë.

Përplasja lidhet me përpjekjen e Trumpit për të pezulluar në mënyrë të njëanshme fonde për programe që lidhen me imigracionin, racën dhe arsimin. Shtëpia e Bardhë e ka arsyetuar veprimin me pretendimin se programet mbështesnin imigracionin e paligjshëm, ushqenin tensione racore dhe promovonin qasje alarmiste ndaj mjedisit. Shtetet paditëse argumentojnë se administrata po ndërhyn në pushtetin buxhetor të Kongresit.

Sponsorët