Haziri: Kurti përdori kritere të ndryshme për LDK-në dhe PDK-në

Nënkryetari i LDK-së, Lutfi Haziri, pretendoi se Albin Kurti kërkonte kandidat jopolitik në bisedimet me LDK-në për presidentin, ndërsa PDK-së ia toleroi profilin politik të Justina Shiroka-Pulës.

Në emisionin “Debat Plus” në Dukagjin, Haziri tha se shmangia e zgjedhjeve të reja ishte synimi i Kurtit dhe e lidhi zgjedhjen e Shiroka-Pulës me këtë qëllim.

Sipas tij, Kurti ia kishte theksuar Shiroka-Pulës angazhimin e mëparshëm si ministre dhe deputete e PDK-së kur e propozoi, ndërsa në bisedimet me LDK-në kriteri për një kandidat pa profil politik kishte qenë i qartë.

Haziri tha gjithashtu se do të preferonte një president me kredibilitet dhe përkatësi të qartë politike, edhe nga Vetëvendosje, nëse kjo do të mundësonte bashkëpunim të qëndrueshëm institucional për tre deri në katër vjetët e ardhshëm.

Ai ngriti pikëpyetje për bashkëpunimin mes VV-së dhe PDK-së dhe për mbështetjen parlamentare që presidentja do të ketë gjatë mandatit të saj.

Sponsorët