Grynkewich: NATO gati të luftojë që sonte nëse sulmohet

Komandanti Suprem i Forcave Aleate të NATO-s në Evropë, gjenerali amerikan Alexus Grynkewich, tha në Forumin e Sigurisë në Varshavë se aleanca është e gatshme të luftojë që sonte nëse sulmohet, por se ai nuk e konsideron një konflikt të afërt apo të pashmangshëm.

“Nëse dikush është aq i pamatur sa të na sulmojë, ne do të luftojmë”, deklaroi Grynkewich.

Sipas tij, përgjigjja ndaj një sulmi do të synonte fillimisht bllokimin e forcave sulmuese, më pas dobësimin e goditjes së tyre dhe, në fund, mposhtjen e kundërshtarit.

Gjenerali tha se aftësitë ushtarake dhe gatishmëria e një aleance të bashkuar duhet t’i shtyjnë kundërshtarët të mendohen përpara se të sulmojnë. Ai nuk e përmendi drejtpërdrejt Rusinë në deklaratat e cituara.

“Ata duhet ta kuptojnë shpejt se kostoja ushtarake e përshkallëzimit është tepër e lartë”, tha ai.

Sponsorët