Gjermania në krah të Zelenskyt pas thirrjes së Trumpit

Gjermania mbështet presidentin ukrainas Volodymyr Zelensky në kryerjen e detyrave të tij, tha të dielën politikani gjerman Johann Wadephul, pas thirrjes së Donald Trumpit që Ukraina të zgjedhë një udhëheqës të ri.

Wadephul tha se Gjermania qëndron në krah të Ukrainës dhe mbështet “presidentin ndërsa ai kryen detyrat e tij të vështira”.

Ai kërkoi më shumë presion ndaj Putinit për ta sjellë Moskën në tryezën e negociatave, duke theksuar nevojën për “konsistencë dhe qartësi” në mbështetjen për Ukrainën.

“Nuk na duhet më pak presion, na duhet më shumë presion ndaj Putinit për ta bërë atë të gatshëm për të negociuar”, tha Wadephul. “Kjo është ajo që kërkon ky moment dhe kjo është ajo që mbron qeveria”.

Sponsorët