Bajrami: Podujeva kontraktoi peletin 120 euro më shtrenjtë

Deputetja e LDK-së, Hykmete Bajrami, pretendon se Komuna e Podujevës ka kontraktuar peletin për 120 euro më shtrenjtë për ton sesa Komuna e Rahovecit dhe i bën thirrje Prokurorisë Speciale të hetojë kontratat njëburimore.

Në një postim në Facebook, Bajrami tha se Podujeva kishte përdorur tender të negociuar, ndërsa Rahoveci tender të hapur. Ajo e paraqiti këtë krahasim si ilustrim të pasojave të mungesës së konkurrencës.

Sipas deputetes, rreth 3 mijë kontrata njëburimore tregojnë se kjo mënyrë kontraktimi është kthyer në praktikë qeverisëse. Ajo e lidhi këtë praktikë edhe me korrupsionin.

“Prapë i bëj thirrje Prokurorisë Speciale që t’i hetojë të gjitha këto kontrata, arsyet e përdorimit të procedurave të negociuara, çmimet dhe përfituesit e tyre”, shkroi Bajrami.

Sponsorët