Arifi: Gërvalla dhe Sveçla duhet të largohen për rastin Zekaj

Anëtari i Aleancës, Avni Arifi, kërkoi dorëheqjen e ministres së Drejtësisë, Donika Gërvalla, dhe ministrit të Punëve të Brendshme, Xhelal Sveçla, duke u atribuuar përgjegjësi politike për dështimet që, sipas tij, lidhen me trajtimin institucional të rastit të Arlinda Zekajt.

Para gazetarëve, Arifi kritikoi konferencën e dy ministrave dhe mënyrën se si ata e trajtuan rastin. Ai pretendoi se paraqitja e tyre dëshmoi dështime në disa nivele të institucioneve që drejtojnë.

“Ne si Aleancë nuk kemi asnjë konkluzion tjetër se ekziston një përgjegjësi e qartë politike dhe duhet të adresohet nga Qeveria”, deklaroi Arifi.

Ai e cilësoi sjelljen e dy zyrtarëve si arrogante dhe cinike, duke këmbëngulur se të dy duhet të japin dorëheqje.

Sponsorët