Andoni: Begajt i mungoi autoriteti gjatë protestave

Analisti Ben Andoni vlerësoi se presidenti Bajram Begaj reagoi me vonesë ndaj protestave dhe nuk ushtroi autoritetin e pritshëm për ndërmjetësimin mes palëve, gjatë një interviste në Ora News.

Sipas Andonit, asnjë institucion nuk ka arritur të ngrihet mbi palët, ndërsa protestuesve dhe policisë u mungojnë kanalet e ndërmjetësimit. Ai kritikoi edhe qëndrimin e presidentit ndaj ekzekutivit të Edi Ramës, duke e cilësuar atë pothuajse aspak përballës.

“Ndërkohë që autoriteti që pritej nga presidenti i vendit ka munguar”, tha Andoni.

Analisti vlerësoi se si protestuesit, ashtu edhe policia kanë treguar ashpërsi. Ai pranoi se presidenti ka ndërmarrë lëvizje në orët e fundit, por i konsideroi të vonuara edhe reagimet e komuniteteve fetare.

Sipas tij, mungesa e dialogut dhe vështirësitë në funksionimin demokratik rrezikojnë përsëritjen e situatave të ngjashme.

Sponsorët