A do ta votojë LDK-ja Qeverinë Kurti? Guri jep qëndrimin

Deputeti i LDK-së, Paris Guri, deklaroi para mediave se deputetët e kësaj partie nuk do të votojnë pro Qeverisë Kurti.

Guri mohoi gjithashtu se kishte takim mes Albin Kurtit dhe Lumir Abdixhikut. Ai iu referua seancës së Kuvendit të paraparë për orën 14:00, duke thënë se pjesëmarrja në të dyja vendet njëkohësisht ishte e pamundur.

Sponsorët

Sipas tij, deputetët ishin njoftuar vetëm 15 minuta para fillimit të seancës. Guri e kritikoi këtë afat, duke thënë se ua pamundësonte mbërritjen fizike në Kuvend.

I pyetur për mundësinë e një seance për votimin e presidentit gjatë mbrëmjes, ai tha se nuk kishte informacion. Ndërkohë, njoftoi se grupi parlamentar i LDK-së po zhvillonte një takim.

DPT — Drita për të vërtetën